ລາວ ຕິດຕັ້ງເຄື່ອງວັດແທກປະລິມານນ້ຳ ແລະ ສະພາບອາກາດ

ພິ­ທີ​ເຊັນ​ສັນ­ຍາ​ການ​ຮ່ວມ​ມື​ການ​ນຳ​ໃຊ້​ວິ­ທະ­ຍາ­ສາດ ແລະ ເຕັກ​ໂນ​ໂລ​ຊີ ເພື່ອ​ການ​ຄຸ້ມ​ຄອງ​ຊັບ­ພະ­ຍາ­ກອນ​ນ້ຳ ລະ­ຫວ່າງ​ກະ­ຊວງ​ວິ­ທະ­ຍາ­ສາດ ແລະ ສະ​ຖາ​ບັນ​ຂໍ້​ມູນ​ຂ່າວ­ສານ​ຊັບ­ພະ­ຍາ­ກອນ​ນ້ຳ ແລະ ກະ­ສິ­ກຳ ກະ­ຊວງ​ວິ­ທະ­ຍາ­ສາດ ແລະ ເຕັກ​ໂນ​ໂລ​ຊີ ປະ­ເທດ​ໄທ ໄດ້​ຈັດ​ຂຶ້ນ​ໃນ​ວັນ​ທີ 12 ກັນ­ຍາ 2012 ທີ່​ກະ­ຊວງ​ວິ­ທະ­ຍາ­ສາດ ແລະ ເຕັກ​ໂນ​ໂລ​ຊີ ການ​ລົງ​ນາມ​ຄັ້ງ​ນີ້​ຕາງ­ໜ້າ​ຝ່າຍ​ລາວ ແມ່ນ​ທ່ານ ສຸ​ມາ­ນະ ຈຸ­ລາ­ມະ­ນີ ຫົວ­ໜ້າ​ກົມ​ເຕັກ​ໂນ​ໂລ​ຊີ ແລະ ນະ​ວັດ­ຕະ​ກຳ ກະ­ຊວງ​ວິ­ທະ­ຍາ­ສາດ-ເຕັກ​ໂນ​ໂລ​ຊີ ແລະ ຕາງ­ໜ້າ​ຝາຍ​ໄທ ແມ່ນ​ທ່ານ ດຣ.ລອຍ​ຍົນ ຈິດ​ທຣາ​ດອນ ຜູ້­ອຳ­ນວຍ­ການ​ສະ​ຖາ​ບັນ​ຂໍ້​ມູນ​ຂ່າວ­ສານ​ຊັບ­ພະ­ຍາ­ກອນ​ນ້ຳ ແລະ ກະ­ສິ­ກຳ ກະ­ຊວງ​ວິ­ທະ­ຍາ­ສາດ-ເຕັກ​ໂນ​ໂລ​ຊີ ປະ­ເທດ​ໄທ ເປັນ​ກຽດ​ເຂົ້າ​ຮ່ວມ​ເປັນ​ສັກ­ຂີ​ພິ­ຍານ​ຂອງ​ທ່ານ ສຈດຣ.ບໍ່​ວຽງ​ຄຳ ວົງ​ດາ­ລາ ລັດ­ຖະ­ມົນ­ຕີ​ວ່າ­ການ​ກະ­ຊວງ​ວິ­ທະ­ຍາ­ສາດ-ເຕັກ​ໂນ​ໂລ​ຊີ ແລະ ທ່ານ ວາ­ລະ​ຢຸດ ໄຊ​ຍະ​ກຸນ ອຸ­ປະ​ທູດ ແຫ່ງ ລາ­ຊະ​ອາ­ນາ­ຈັກ​ໄທ ປະ­ຈຳ ສປປ ລາວ ນອກ​ນັ້ນ​ຍັງ​ມີ​ບັນ­ດາ​ຫົວ­ໜ້າ​ຫ້ອງ­ການ ຫົວ­ໜ້າ​ກົມ ສະ​ຖາ​ບັນ ແລະ ພາກ­ສ່ວນ​ທີ່​ກ່ຽວ­ຂ້ອງ​ເຂົ້າ​ຮ່ວມ​ທັງ​ສອງ​ຝ່າຍ.

ການ​ເຊັນ​ສັນ­ຍາ​ຄັ້ງ​ນີ້ ແມ່ນ​ເພື່ອ​ຜັນ​ຂະ­ຫຍາຍ​ເນື້ອ​ໃນ​ຈິດ­ໃຈ​ຂອງ​ການ​ຮ່ວມ​ມື​ທາງ​ດ້ານ​ວິ­ທະ­ຍາ­ສາດ ແລະ ເຕັກ​ໂນ​ໂລ​ຊີ ລະ­ຫວ່າງ​ສອງ​ກະ­ຊວງ ວິ­ທະ­ຍາ­ສາດ-ເຕັກ​ໂນ​ໂລ​ຊີ ລາວ-ໄທ ເປັນ­ຕົ້ນ​ແມ່ນ​ການ​ນຳ​ໃຊ້​ວິ­ທະ­ຍາ­ສາດ ແລະ ເຕັກ​ໂນ​ໂລ​ຊີ ໃນ​ການ​ຄົ້ນ­ຄວ້າ​ວິ​ໃຈ ເພື່ອ​ການ​ຄຸ້ມ​ຄອງ​ຊັບ­ພະ­ຍາ­ກອນ​ນ້ຳ ແລະ ເພື່ອ​ຈັດ​ຕັ້ງ​ປະ­ຕິ­ບັດ​ຕາມ​ຄວາມ​ຄິດ​ຂໍ້​ລິ​ເລີ່ມ​ກະ​ບີ​ຂອງ​ຜູ້­ນຳ​ອາ​ຊຽນ ກ່ຽວ​ກັບ​ວິ­ທະ­ຍາ­ສາດ​ເຕັກ​ໂນ​ໂລ​ຊີ ແລະ ນະ​ວັດ­ຕະ​ກຳ ເຊິ່ງ​ໃນ​ນັ້ນ​ແມ່ນ​ການ​ຄຸ້ມ​ຄອງ​ຊັບ­ພະ­ຍາ­ກອນ​ນ້ຳ ໂຄງ­ການ​ດັ່ງ­ກ່າວ​ແມ່ນ​ໄດ້​ຮັບ​ການ​ຊ່ວຍ­ເຫຼືອ​ຈາກ​ສະ​ຖາ​ບັນ​ຂໍ້​ມູນ​ຂ່າວ­ສານ ຊັບ­ພະ­ຍາ­ກອນ​ນ້ຳ ແລະ ກະ­ສິ­ກຳ ກະ­ຊວງ​ວິ­ທະ­ຍາ­ສາດ-ເຕັກ​ໂນ​ໂລ​ຊີ ປະ­ເທດ​ໄທ ມີ​ເປົ້າ​ໝາຍ​ເພື່ອ​ສົ່ງ­ເສີມ ການ​ຄົ້ນ­ຄວ້າ​ການ​ວິ​ໃຈ ແລະ ການ​ນຳ​ໃຊ້​ຂໍ້​ມູນ​ຂ່າວ­ສານ​ເຕັກ​ໂນ​ໂລ​ຊີ ໃນ​ການ​ຄຸ້ມ​ຄອງ​ຊັບ­ພະ­ຍາ­ກອນ​ນ້ຳ ເຊັ່ນ: ການ​ແຈ້ງ​ເຕືອນ​ອຸ​ທົກ​ກະ​ໄພ​ໄດ້ ສ້າງ​ຄວາມ​ອາດ​ສາ­ມາດ​ໃນ​ການ​ຄຸ້ມ​ຄອງ​ຊັບ­ພະ­ຍາ­ກອນ​ນ້ຳ​ຊຸມ​ຊົນ ໂຄງ­ການ​ດັ່ງ­ກ່າວ​ແມ່ນ​ໄດ້​ຕິດ​ຕັ້ງ​ເຄື່ອງ​ວັດ­ແທກ​ປະ­ລິ­ມານ​ນ້ຳ (ໂທລະ​ມາດ) ເພື່ອ​ວັດ­ແທກ​ລະ­ດັບ​ນ້ຳ​ໃນ​ແມ່­ນ້ຳ ລະ­ດັບ​ນ້ຳ​ຝົນ ແລະ ສະ­ພາບ​ອາ­ກາດ ມີ​ທັງ​ໝົດ 5 ຈຸດ ຢູ່ ສປປ ລາວ ຄື: ເມືອງ​ເມືອງ​ປາກ​ງື່ມ ຢູ່​ຂົວ​ສີ​ທອງ ນະ­ຄອນ­ຫຼວງ​ວຽງ​ຈັນ ເມືອງ​ຕົ້ນ​ເຜີ້ງ ແຂວງ​ບໍ່​ແກ້ວ ຂົວ​ນ້ຳ​ອູ ແຂວງ​ຫຼວງ​ພະ​ບາງ ຂົວ​ປາກ​ກະ­ດິງ ແຂວງ​ບໍ​ລິ​ຄຳ​ໄຊ ແລະ ຂົວ​ເຊ​ບັ້ງ­ໄຟ ແຂວງ​ຄຳ​ມ່ວນ ການ​ຕິດ​ຕັ້ງ​ປັດ­ຈຸ­ບັນ​ສຳ­ເລັດ​ແລ້ວ 2 ຈຸດ ແລະ ຍັງ​ສືບ­ຕໍ່​ຕິດ​ຕັ້ງ​ຈະ​ໃຫ້​ສຳ­ເລັດ​ໃນ​ເດືອນ​ຕຸ­ລາ 2012 ນີ້.

ເຄື່ອງ​ວັດ­ແທກ​ດັ່ງ­ກ່າວ​ແມ່ນ​ການ​ນຳ​ໃຊ້​ເຕັກ​ໂນ​ໂລ​ຊີ​ທີ່​ທັນ​ສະ­ໄໝ ນຳ​ໃຊ້​ລະ­ບົບ​ແຊນ​ເຊີ ວັດ­ແທກ​ລະ­ດັບ​ນ້ຳ ມີ​ຄວາມ​ຊັດ​ເຈນ​ສູງ ໃຊ້​ລະ­ບົບ​ໄຟ­ຟ້າ​ແສງ​ຕາ­ເວັນ ສົ່ງ​ຂໍ້​ມູນ​ດ້ວຍ​ສັນ­ຍານ​ໂທລະ­ສັບ​ເຂົ້າ​ຫາ​ເຊີ​ເວີ ຢູ່​ສູນ​ປະ­ຕິ­ບັດ​ການ ມັນ​ມີ​ຜົນ​ປະ­ໂຫຍດ​ຫຼາຍ ເຊິ່ງ​ຈະ​ເຊື່ອມ​ຕໍ່​ຂໍ້​ມູນ​ນ້ຳ​ລະ­ຫວ່າງ​ສອງ​ປະ­ເທດ ລາວ-ໄທ ເປັນ­ຕົ້ນ​ແມ່ນ​ແມ່­ນ້ຳ​ຂອງ ແລະ ສາ­ຂາ​ແມ່­ນ້ຳ​ຂອງ.

* ລາຄານໍ້າມັນຕະຫຼາດໂລກວັນທີ 18/9 ຕ່ໍ່າກ່ວາ 96 ໂດລາ/ບາເຣວ ຂະນະຄວາມເປັນກັງວົນເພິ່ມຂຶ້ນ

ລາຄານໍ້າມັນໃນອາເມລິກາປັບຕົວຂຶ້ນໃນວັນພຸດ 18/9 ເຖິງວ່າການສະໜອງຈະຢຸດສອງມື້ແຕ່ລາຄາກໍ່ຍັງໜ້ອຍກ່ວາ 96 ໂດລາ/ບາ​ເຣວ ຍ້ອນ​ພາວະ​ການ​ຊຸດ​ຕົວ​ຂອງ​ເສດຖະກິດ​ໂລກ ​ແລະ ຄຳປະກາດຈາກ​ຜູ້​ສົ່ງ​ອອກນໍ້າມັນ​ລາຍ​ໃຫຍ່​ຂອງ​ໂລກ​​ເຊັ່ນ: ສະ​ອຸ​ດິ ອາຣາ​ເບຍມີ​ແຜນຈະເພີ່ມການຜະລິດ​ນໍ້າມັນ​ເຂົ້າ​ສູ່​ຕະຫຼາດຫຼາຍ​ຂຶ້ນ.

ປັດ​ໄຈ​ພື້ນ​ຖານຄື

- ລາຄາ​ນໍ້າມັນ​ດິບຊື້​ຂາຍ​ລວງໜ້າ​​ເດືອນຕຸລາໃນ​ສະ​ຫາ​ລັດຈະ​ປັບ​ຕົວ​ຂຶ້ນອີກ 31 cent ​ເປັນ 95.60 ໂດລາ/ບາເຣວ ແລະ ຈະປິດຕົວລົງໃນວັນອັງຄານຂອງເດືອນດຽວກັນ ຂະນະມູນຄ່າໃນໄລຍະທຳອິດຈະຢູ່ທີ່ 95.29 ໂດລາ/ບາເຣວ ສະເລຍຢູ່ທີ່ 95.57 ໂດລາ/ບາເຣວ ແລະ ລາຄານໍ້າມັນດິບພາຍໃນເດືອນທັນວາຈະປັບຂຶ້ນເປັນ 29 cent ​ເປັນ 95.91 ໂດລາ/ບາເຣວ.

- ທີ ອັງກິດ ລາຄາຊື້ຂາຍນໍ້າມັນດິບ Brent ສຳລັບເດືອນ 12 ຫຼຸດລົງ 24 cent ​ເປັນ 111.70 ໂດລາ/ບາເຣວ

- ສະ​ອຸ​ດິ ອາຣາ​ເບຍ ກຳລັງປັບລາຄານໍ້າມັນລົງ ແລະ ຈະຜະລິດໃຫ້ໄດ້ 10 ລ້ານບາເຣວຕໍ່ມື້, ເພື່ອບີບໃຫ້ລາຄານໍ້າມັນລົງ ນອກຈາກນີ້ ບັນດາສະມາຊິກກຸ່ມປະເທດສົ່ງອອກນໍ້າມັນ ແລະ ຜູ້ຜະລິດອື່ນໆຈະຜະລິດນໍ້າມັນເພີ່ມຂຶ້ນເພື່ອກົດໜ່ວງລາຄານໍ້າມັນທີ່ຍັງສືບຕໍ່ຖີບຕົວຂຶ້ນຢ່າງໄວ.

- ສະຖາບັນນໍ້າມັນອາເມລິກາໃຫ້ຮູ້ວ່າ ນໍ້າມັນສຳຮອງທີ່ເກັບໄວ້​ໄດ້ເພີ່ມຂຶ້ນ 2.4 ລ້ານບາເຣວ ໃນອາທິດທີ່ຜ່ານມາ, ຊິ່ງຫຼາຍກ່ວາທີ່ຄາດໄວ້.

- ຈາກການສຳຫຼວດຂອງ Reuters ສະແດງໃຫ້ຮູ້ວ່າການເກັບມ້ຽນ ແລະ ກັ່ນນໍ້າມັນດິບຄາດວ່າຈະເພິ່ມຂຶ້ນ 1 ລ້ານບາເຣວ ໃນຂະນະນໍ້າມັນແອັດຊັງປັບຕົວ​ເພີ່ມຂຶ້ນ 1.2 ລ້ານບາເຣວ

ໃນອາຊີຄວາມຕ້ອງການເຂົ້າໃນຕະຫຼາດຕໍ່າ ການສະສົມໃນຄັງສາງເພີ່ມສູງ ສົ່ງຜົນໃຫ້ລາຄາຫຼຸດລົງ

ອີງຕາມຂ່າວຈາກ Vinanet ໃຫ້ຮູ້ວ່າ ລາຄາເຂົ້າໃນຕະຫຼາດໄທບໍ່ຄຶກຄັກໃນອາທິດນີ້ຍ້ອນຄວາມຕ້ອງການບໍ່ສູງ ສົ່ງຜົນໃຫ້ລາຄາບໍ່ສາມາດປັບຂຶ້ນ ໃນຂະນະທີຜູ້ຊື້ຂາຍພາກັນລໍຖ້າຟັງຄວາມອະທິບາຍກ່ຽວກັບການແຊກແຊງຂອງລັດຖະບານ ແລະ ຄາດວ່າລາຄາເຂົ້າຈະຫຼຸດລົງໃນເດືອນໜ້າທີ່ເປັນລະດູເກັບກ່ຽວ, ການເຂົ້າອຸ້ມຊູຂອງລັດຖະບານເພື່ອຊ່ວຍຊື້ເຂົ້າຈາກຊາວນາໃນລາຄາທີສູງນັ້ນຈະຢຸດຕິລົງໃນທ້າຍຂອງເດືອນນີ້ ແຕ່ລັດຖະບານຍັງປະກາດວ່າອາດຈະມີກິດຈະກໍາໃໝ່ເກີດຂຶ້ນເພື່ອຊວ່ຍເຫຼືອຊາວນາໃນເດືອນຕໍ່ໄປ ໂດຍຈະເພີ່ມເງິນກອງທຶນປະມານ 400 ຕື້ບາດ ຫຼື ປະມານ 13 ຕື້ໂດລາ ເພື່ອຊື້ເຂົ້າຈາກຊາວນາໂດຍບໍ່ຈໍາກັດປະລິມານ, ເຖິງຢ່າງໃດກໍ່ຕາມເບິ່ງແລ້ວເປັນການຢາກທີ່ຈະເກີດຂຶ້ນໄດ້ຕາມເວລາກຳນົດເພາະຄະນະລັດຖະບານຍັງບໍ່ໄດ້ຜ່ານງົບປະມານ. ລາຄາເຂົ້າໄທຢູ່ທີ 600 ໂດລາ/ໂຕນ (FOB) ຄະນະທີ່ເຂົ້າແຕກຢູ່ທີ 585 ໂດລາ/ ໂຕນ. ລາຄາເຂົ້າໄທຈະຫຼຸດລົງໃນອາທິດທີ່ຈະມາເຖິງເນື່ອງຈາກຊາວນາເລີ່ມເກັບກ່ຽວຜົນຜະລິດລະດູໃໝ່, ຊຶ່ງຄາດວ່າຈະສາມາດຜະລິດເຂົ້າໄດ້ເຖິງ 25 ລ້ານ ໂຕນ. ຜູ້ຄ້າຂາຍເຂົ້າໃນບາງກອກເວົ້າວ່າ: ລາຄາເຂົ້າອາດຫຼຸດລົງຍ້ອນລູກຄ້າສ່ວນຫຼາຍຮູ້ວ່າໄທ ແລະ ອິນເດຍ ສະສົມເຂົ້າໄວ້ໃນຄັງສາງເປັນຈໍານວນຫຼວງຫຼາຍ ໃນຂະນະທີທັງສອງປະເທດອາດຈະເພີ່ມການບໍ່ລິການແບບໃໝ່ເພື່ອເປັນການປ້ອງກັນ, ດັ່ງນັ້ນ ລູກຄ້າຈິ່ງບໍ່ຮີບຮ້ອນຊື້. ບໍລິສັດທຸລະກິດຄ້າຂາຍເອິຣົບລາຍໃຫຍ່ໃນໂຮຈີມິນເວົ້າວ່າ: ບັນດາບໍລິສັດການຄ້າພາກັນເຊັນສັນຍາພຽງໄລຍະເວລາອັນສັ້ນຍ້ອນຄວາມບໍ່ແນໃຈວ່ານະໂຍບາຍຂອງລັດຖະບານໄທ ແລະ ການສະສົມເຂົ້າຈະມີການປຽນແປງຫຼືບໍ່, ຊຶ່ງລາຄາເຂົ້າທີຈະຫຼຸດລົງນັ້ນຈະສົ່ງຜົນກະທົບອັນໃຫຍ່ຫຼວງຕໍ່ຕະຫຼາດໂລກ.

ທີ່ຫວຽດນາມຍັງບໍ່ທັນມີອຸປະສົງໃໝ່ເທື່ອ ຂະນະກະຊວງກະສິກຳຫວຽດນາມ ກ່າວວ່າ: ການສົ່ງອອກເຂົ້າແຕ່ເດືອນມັງກອນ ຫາເດືອນ ສິງຫາ ເພີ່ມຂຶ້ນ 4.5% ໂດຍເພີ່ມຂຶ້ນຫຼາຍກ່ວາໄລຍະດຽວກັນໃນປີຜ່ານມາ ຢູ່ທີ 6.2 ລ້ານໂຕນ ສະນັ້ນ, ເປົ້າໝາຍສົ່ງອອກໃຫ້ໄດ້ 7.2 ລ້ານໂຕນຈິ່ງເປັນສິ່ງທີ່ເປັນໄປໄດ້.

ສຳລັບອິນເດຍ ຄວາມຕ້ອງການເຂົ້າຫຼຸດລົງໂດຍສັນຍາຍາວນານເກີນໄປ ໃນຂະນະລະດູຟົນຈະໝົດທ້າຍເດືອນນີ້, ຊຶ່ງຈະເປັນການລົດຄວາມຫຍຸ້ງຍາກໃນການເກັບກ່ຽວເຂົ້າ ແລະ ຈະເຮັດໃຫ້ລາຄາເຂົ້າມີສະຖຽນລະພາບ. ລາຄາເຂົ້າສົ່ງອອກຂອງອິນເດຍຢູ່ທີ 395-445 ໂດລາ/ໂຕນ (FOB) ບໍ່ມີການປ່ຽນແປງແຕ່ອາທິດຜ່ານມາ.

**ລາວເຮົາຈະສວຍໃຊ້ກາລະໂອກາດ ທາງການຄ້າແນວໃດ ຫລັງເຂົ້າ WTO
ການເຈລະຈາຕໍ່ລອງທາງດ້ານການຄ້າຂອງຫນ່ວຍປະຕິບັດງານເຈລະຈາເຂົ້າເປັນສະມາຊິກອົງການການຄ້າໂລກ (WTO) ຂອງ ສປປ ລາວ, ໄດ້ສ້າງກາລະໂອກາດທາງດ້ານການຄ້າສູ່ທຸລະກິດຢ່າງຫລວງຫລາຍ, ໃນຂະນະທີ່ກອງປະຊຸມຫນ່ວຍປະຕິບັດງານຄັ້ງທີ 10 ໄດ້ປະກາດຜົນສຳເລັດຮັບຮອງເອົາ ສປປ ລາວ ເຂົ້າເປັນສະມາຊິກແລ້ວ ພຽງແຕ່ລໍຖ້າເຊັນສັນຍາຮັບຮອງໃນທ້າຍເດືອນຕຸລານີ້, ຫລັງຈາກນັ້ນນັກທຸລະກິດລາວຈະສະແຫວງຫາກາລະໂອກາດໄດ້ ຫລື ບໍ່?. ທ່ານ ດຣ. ນາມ ວິຍະເກດ ລັດຖະມົນຕີວ່າການກະຊວງອຸດສາຫະກຳ ແລະ ການຄ້າ, ຖະແຫລງຂ່າວຜົນສຳເລັດການເຈລະຈາເຂົ້າເປັນສະມາຊິກອົງການການຄ້າໂລກຂອງ ສປປ ລາວ, ມື້ວານນີ້ວ່າ: ກອງປະຊຸມຫນ່ວຍປະຕິບັດງານຄັ້ງທີ 10 ທີ່ຈັດຂຶ້ນເມື່ອວັນທີ 28 ກັນຍາ ທີ່ ເຈນີວາ ປະເທດສະວິດເຊີແລນ, ຖືວ່າເປັນເທື່ອສຸດທ້າຍແລ້ວ ທີ່ມີການພິຈາລະນາສົນທິສັນຍາການເປັນສະມາຊິກ 3 ສະບັບຄື: ບົດລາຍງານປະຕິບັດງານກ່ຽວກັບລະບອບການຄ້າຕ່າງປະເທດ ແລະ ພັນທະທີ່ ສປປ ລາວ ຮັບເອົາເພື່ອຮັບປະກັນຄວາມສອດຄ່ອງກັບສັນຍາຂອງ WTO; ຕາຕະລາງຫລຸດຜ່ອນອັດຕາພາສີສຳລັບສິນຄ້າກະສິກຳ ແລະ ອຸດສາຫະກຳ; ຕາຕະລາງເປີດຂະແຫນງການບໍລິການ. ແນວໃດກໍ່ຕາມ ເອກກະສານເງື່ອນໄຂທັງຫມົດຂອງ ສປປ ລາວ ຍັງຈະຍື່ນສະເຫນີຕໍ່ສະພາໃຫຍ່ຂອງອົງການການຄ້າໂລກ ເພື່ອຮັບຮອງເອົາທີ່ຄາດວ່າຈະຈັດຂຶ້ນໃນວັນທີ 26 ຕຸລານີ້; ພາຍຫລັງທີ່ຮັບຮອງເອົາແລ້ວ ລັດຖະບານກໍ່ຈະນຳສະເຫນີສະພາໃຫ້ສັດຕະຍາບັນ ຄາດວ່າໃນທ້າຍເດືອນທັນວາປີນີ້, ແລ້ວຈິ່ງແຈ້ງໃຫ້ສະມາຊິກອົງການການຄ້າໂລກຮູ້, ຫລັງຈາກນັ້ນ 30 ວັນ ສປປ ລາວ ຈະເປັນສະມາຊິກສົມບູນແບບອັດຕະໂນມັດເປັນປະເທດທີ 158. ການເຈລະຈາເຂົ້າເປັນສະມາຊິກອົງການການຄ້າໂລກຂອງຫນ່ວຍປະຕິບັດງານໄດ້ມີການຕໍ່ລອງກຳນົດເພດານ ເພື່ອປົກປ້ອງສິດຜົນປະໂຫຍດຂອງພາກທຸລະກິດພາຍໃນ, ໃນຂະນະ ທີ່ກົດຫມາຍ, ລະບຽບການຕ່າງໆທີ່ກ່ຽວພັນເຖິງການຄ້າຫລາຍກວ່າ 90 ສະບັບໄດ້ຖືກປັບປຸງສອດຄ່ອງກັບລະບຽບຂອງອົງການການຄ້າໂລກແລ້ວ, ຂະນະດຽວກັນການເຂົ້າເປັນສະມາຊິກສົມບູນຕະຫລາດຂອງລາວກໍ່ຈະເປັນເສລີ ແລະ ໄດ້ຕະຫລາດໃຫຍ່ຂຶ້ນ, ເວລານັ້ນການຄ້າ, ການລົງທຶນຂອງຕ່າງປະເທດກໍ່ຈະຄ່ອຍໄຫລເຂົ້າມາລາວ, ເພາະການເຂົ້າເປັນສະມາຊິກແມ່ນຈະສ້າງຄວາມຫມັ້ນໃຈໃຫ້ນັກລົງທຶນກ້າລົງທຶນໃນລາວ, ເນື່ອງຈາກວ່າເວລາມີບັນຫາສາມາດຕໍ່ລອງໄດ້ງ່າຍ ໂດຍຜ່ານລັດຖະບານ ຫລື ອົງການການຄ້າໂລກໄດ້. ແນວໃດກໍ່ຕາມ ການເຂົ້າເປັນສະມາຊິກແມ່ນມີຜົນປະໂຫຍດຢ່າງຫລວງຫລາຍຕໍ່ຂະແຫນງການທຸລະກິດ, ເຊິ່ງຍັງຕ້ອງເບິ່ງວ່າທຸລະກິດຈະສາມາດເຂົ້າຫາຜົນປະໂຫຍດ ແລະ ຍາດເອົາຜົນປະໂຫຍດນັ້ນໄດ້ຫນ້ອຍຫລາຍປານໃດ, ໂດຍສະເພາະການຜະລິດສິນຄ້າຕາມລາຍການສິດທິພິເສດທີ່ຫລາຍປະເທດໄດ້ໃຫ້ແກ່ ສປປ ລາວ ເພາະຜ່ານມາຍັງເຫັນວ່າສິນຄ້າຂາອອກຂອງລາວຍັງບໍ່ທັນເປັນໄປຕາມຕາຕະລາງລາຍການສິນຄ້າສິດທິພິເສດເທົ່າທີ່ຄວນ.

UNDAF ຊ່ວຍເຫຼືອລາວໃນໄລຍະ 2012-2015

ຊັບພະຍາກອນປ່າໄມ້ຢູ່ພາກໃຕ້
ຂອງລາວໄດ້ຮັບການປົກປັກຮັກສາເປັນຢ່າງດີ
ໃນໄລຍະ 2012-2015, ຂອບເຂດຊ່ວຍເຫຼືອພັດທະນາສະຫະປະຊາ ຊາດ (UNDAF) ໃຫ້ຄຳໝັ້ນສັນຍາຈະຊ່ວຍເຫຼືອແຜນພັດທະນາ ເສດຖະກິດ-ສັງຄົມລາວໃນ 6 ຂົງເຂດທີ່ໄດ້ຮັບການໃຫ້ບຸລິມະສິດຕົ້ນຕໍຄື: ການຄຸ້ມຄອງບໍລິຫານ; ພັດທະນາຢ່າງສະໝຳ່ສະເໝີກັນ ແລະ ສົມດູນ; ພັດທະນາແຫຼ່ງຊັບພະຍາກອນມະນຸດ; ຄຸ້ມຄອງແຫຼ່ງຊັບພະຍາກອນ ທຳມະຊາດ…ແຜນການດັ່ງກ່າວສະແດງໃຫ້ເຫັນຄຳໝັ້ນສັນຍາຂອງ ສະຫະປະຊາຊາດ (UN) ຕໍ່ລາວໃນການຊ່ວຍເຫຼືອຍົກລະດັບຊີວິດການ ເປັນຢູ່ໃຫ້ແກ່ປະຊາຊົນ, ຊ່ວຍເຫຼືອລາວປະຕິບັດບັນດາເປົ້າໝາຍ ສະຫັດສະວັດໃນປີ 2015 ໄດ້ດີ, ຄືມະຕິຕົກລົງຂອງກອງປະຊຸມໃຫຍ່ ພັກປະຊາຊົນປະຕິວັດລາວຄັ້ງທີ IX ໄດ້ວາງອອກ.